Terror höcümendä ülüçelär sanı 53 kä citkän

Waqıyğa Burkina - Fasoda bulğan ide

1735561
Terror höcümendä ülüçelär sanı 53 kä citkän

 Yäkşämbe könne Burkina - Fasonıň tön’yağında armiyägä qarata  terror höcümendä ülüçelär sanı 53 kä citkän.

Êlemtä ministrı häm xökümät süzçese Ousseni Tambura xäbär itkänçä, jandarmeriya bülekçäsenä oyıştırılğan terror höcümendä 49 jandarmeriya xezmätkäre häm tınıç xalıqtan 4 keşeneň ğomere özelgän.

Ministrlar şurası 2 yuğarı däräcäle komandirnı wazıyfasınnan alğan.

Burkina - Faso ilbaşı Roç  Mark Kristian Kabore höcümnän soň 3 könlek matäm iğ’lan itkän ide.

Kürşe Malidağı “Äl – Qaidä” häm “DEAŞ” belän bäyläneşle terror törkemnäre  2015 nçe yıldan birle Burkina - Fasonıň tön’yağında häm könçığışında yış qına höcümnär oyıştıralar.

Burkina - Faso çiktäş Niger belän urtaq xärbi operaśiyälär ütkärsä dä  Malida urnaşqan terrorçı törkemnärne yuq itä almıy.

Berläşkän Millätlär Oyışması mäğ’lümatlarına qarağanda, bıyıl qurqınıçsızlıq säbäpläre arqasında 17 meň 500 keşe ildän kitärgä mäcbür bulğan.



Bäyläneşle xäbärlär