Belarus’- Pol’şa çigendä soñğı wazğıyät'

Belarus’- Pol’şa çigendä çik buyı qapqası yanındağı kirtälärne uzarğa cıyınğan törkemnärgä Pol’şa iminlek köçläre qomaçawladı.

Belarus’neñ Grodno şähärendäge Bruzgi çigendä kübese Ğıyraqtan viza alıp Belarus’ka kitkän häm Pol’şadan uzarğa tırışuçılar çikne uzu punktınnan kitep bardı.

Awrupağa barırğa teläwçelärneñ ber öleşe çik buyı qapqasınnan urmandağı lager’ğa kire qayttı, ber öleşe isä tönne uzdıru öçen äzerlängän logistik üzäkkä yul tottı.

Belarus’ ilbaşı Aleksandr Lukaşenko Grodno gubernatorlığına çik buyındağılarnıñ tönne uzdıra aluları öçen ber urın äzerlärgä boyırdı.

Belarus’ Tikşerü komissiyase çik buyındağı qaçaqlar belän Pol’şa iminlek köçläre arasında küzätelgän bäreleştän soñ töbäktä tikşerü başlattı.

Ğıyraq Tışqı êşlär ministrlığı çığanaqlarına kürä Belarus’-Pol’şa çigendäge 170 keşe ilgä qaytu öçen Ğıyraqnıñ Minsktağı ilçelegenä möräcäğat’ itte häm 55 keşe öçen tranzit pasport äzerlände.

Berläşkän Millätlär Oyışması Belarus’-Pol’şa çigendä Awrupağa barırğa tırışuçı qaçaqlarğa qarata köç qullanmasqa çaqırdı.

Pol’şa prem’yer-ministr urınbasarı häm xaqimiyättäge Xoquq häm ğadälät partiyase ğomüm başlığı Yaroslav Kaçin’skiy Pol’şa-Belarus’ çigendäge qaçaqlar krizisınıñ qorallı bäreleşkä äylänüeneñ kötelmäwen äytte.

“Gibrid suğış däwam itä läkin qorallı bäreleş älegä yuq. Çik buyındağı kiyerenkelek ozaq waqıt däwam itä alaçaq. Belarus’neñ qaçaqlarğa yärdäm itüe turındağı açıqlawlar döreslekkä turı kilmi,” – dide ul.