Tiz genä sünmäs äle

İspaniyäneñ kön’yaq-könbatışında Kanar utrawları törkemendäge La Pal’mada 58 kön aktiv Kumbre V’yexa yanartawı xäzergä qadär 2 meñ 623 binanı yuq itte.

Awrupa Berlege iyärçennän töşerü sisteması Kopernikus mäğ’lümatlarında yanartawdan çıqqan lavalarnıñ cirlektä 1042 gektar mäydannı qaplawı kürenä.  Alar 2 meñ 623 toraq binanı yuq itte, 111enä öleşçä zarar birde.

Lavalar cirlektäge 76,9 çaqrım ozınlıqtağı yulnı tulısınça qapladı häm 3 noqtadan diñgezgä aqtı. Şulay itep, utraw yarında 41 gektar mäydanlı platforma barlıqqa kiterde.

Yanartaw kön sayın kükert gazı çığarıp töbäktä hawanıñ pıçranuına kiterde. Cirle idarä wäqalätleläre anıñ artuı arqasında mäktäplärneñ irtägedän yabıq bulaçağın iğ’lan itte.

13nçe noyabr’dä 70 yäş’lek ber keşe öy tübäsen vulkan köllärennän çistartqan arada yığılıp töşep ülde.

Belgeçlär 19nçı sentyabr’dän birle aktiv bulğan yanartawnıñ, soñğı ike atnada lava ağuı häm köçle şartlawlar kimesä dä, tiz arada ğına sünäçägen kötmi.