Misırda çayannar höcüme

Misırda naçar hawa şartları arqasında çayannar toraq punktlarına kilde. Alarnıñ çağuı näticäsendä 3 keşe ülde, 450se yaralandı.

Cirle matbuğatta çıqqan xäbärlärgä qarağanda, Asvan töbägendä köçle yañğır häm cil bula. Alar üze belän su basular, taşqınnar häm qom buranı kiterä. Şunnan soñ töbäk xalqı çayannarnıñ höcümenä duçar bula.   

Sälamätlek saqlaw ministrı urınbasarı İxab Xanäfi: “Comğa kiçennän birle naçar hawa şartları säbäple çayannar çağudan 3 keşe ülde, 450se yaralandı,”-dide. Tawlı urınnarda yäşäwçe çayannarnıñ taşqın häm qom buranı belän toraq punktlarğa kilüe farazlana.

Cirlektä su basular arqasında qayber öylär qullanılmas xälgä kilde, ut bette.