Nigeriyädä 12 million keşe köçle açlıqqa duçar bulırğa mömkin
Bu xaqta BMO kisätä
2022 nçe yıl azağına Nigeriyädä 12 million keşene açlıq kötä.
Bu xaqta BMO azıq-tölek häm awıl xucalığı oyışması belän BMOnıň Balalarğa yärdäm itü fondı YUNİSEFnıň urtaq xisabında belderelä.
Anda äytelgänçä, Nigeriyäneň tön’yaq - könçığışında däwam itkän bäreleşlär häm Kovid -19 êpidemiyäse il iq’tisadına tiskäre yoğıntı yasıy.
Xisapta, ilgä aşığıç yärdäm kürsätelmäsä, 2022 nçe yıl azağında 12 million keşeneň köçle açlıqqa duçar bulaçağı äytelä.
İlneň 20 vilayätendä azıq - tölek krizisı küzätelä, “Boko Xaram” terror oyışması bulğan Borno, Adamava häm Yobe vilayät’lärendä 2 million 400 meň keşe aşığıç yärdämgä moxtac.
Nigeriyädä 2000 nçe yıllardan birle aktiv bulğan “Boko Xaram” terror oyışmasınıň 2009 nçı yıldan başlap oyıştırğan massaküläm qırıslıq waqıyğalarında 20 meňnän kübräk keşeneň ğomere özelde.
İldäge terror höcümnäre häm bäreleşlär arqasında yözlärçä meň keşe küçenep kitärgä mäcbür buldı.
Bäyläneşle xäbärlär
Yamayka Fälästin däwläten räsmi räweştä tanığan
Bu xaqta ilneñ tışqı êşlär häm tışqı säwdä ministrı matbuğatqa yasağan belderüendä citkerde
