Nigerda matäm

Nigernıñ Mali belän çige yanında bulğan terrorçı höcümendä 69 keşeneñ ğomere özelde. Aralarında rayon xakimiyäte başlığı da bar. Niger êçke êşlär ministrı Alkaçe Al’xada däwlät telekanalında çığış yasap 2nçe noyabr’dä Tillaberi töbägendäge Adab-Dab awılınıñ bilgesez qorallı terrorçı törkemnärneñ höcümenä duçar buluın belderde. Waqıyğa rayon xakimiyätennän wäqalätlelärneñ cirlekkä êşlekle säfäre waqıtında bula. Ülüçelär arasında iminlekne saqlawçılar da bar.

Höcüm yasawçı 9 keşe êzlänä.

Xökümättän yasalğan yazma belderüdä Nigerda bügennän başlap 48 säğat’lek matäm iğ’lan itelüe citkerelä.

Tillaberi töbäge şaqtıydan birle DEAŞ höcümnärenä duçar bula. Alar kürşe däwlät Malida êşçänlek alıp bara. Yış qına Burkina-Faso häm Nigerda da höcümnär oyıştıralar.