İrtänge namazğa kilüçelärne atıp üterdelär

Nigeriyanıñ Nijer töbägendä ber mäçetkä bulğan qorallı höcümdä 18 keşeneñ ğomere özelde. Yaralanuçılar da bik küp.

Cirle matbuğatta çıqqan xäbärlärgä qarağanda, motośiklllı keşelär irtänge namaz öçen cıyılğannarğa ut açtı.

Nijer töbäge poliśiya komissarı Monday Kuryas beldergänçä, höcüm waqıtında 7 keşe urlanğan häm şaqtıy külämdä milekkä zarar birelgän. Ul cirlekkä kilgän iminlek köçläreneñ ber höcümçene täêsirsez xälgä kiterüen äytte.

Nigeriyada soñğı yıllarda qorallı keşelärneñ motośikllarda kilep höcüm yasawı säbäple qayber töbäklärdä älege texnikanı qullanu tıyılğan.