İrandağı ülem cäzaları qurqıta

İranda uzğan yıl 250 keşe ülem cäzasına tartılğan. Aralarında 4 mäxküm bala da bar.

BMOnıñ keşe xoquqları İran maxsus xisapçısı Cavid Räxman komitet utırışındağı çığışında älege ildä ülem cäzasınıñ borçılırlıq däräcädä tormışqa aşırıluın citkerde. Bıyılğı sannar da küñel kütärmi. Yıl başınnan birle 230 keşe yäşeren räweştä ülem cäzasına tartılğan. Alarnıñ 9ı xatın-qız, 1se - bala.

Räxman äytüençä, İranda ülem cäzasın tormışqa aşıru öçen anıq bulmağan “milli iminlek ğayepläwläre” şikelle säbäplärneñ kürsätelüe citdi borçu tudıra. Ul älege ilneñ xökem itü sistemasında bik küp xilaflıqlar barlın da belderde.