Törmädän 575 mäxküm qaçtı

Nigeriyanıñ Oyo töbägendä törmägä yasalğan qorallı höcüm näticäsendä 575 mäxküm qaçtı. İlneñ törmälär idaräse töbäk wäkile Olanrevaju Anjorin matbuğatqa belderüendä äytkänçä, başta qaçuçılar 837 bula. 262 mäxkümne êläkterälär. Qalğannarın da totu öçen operaśiyä däwam itä.  

Höcüm waqıtında bik küp keşe yaralanğan. Törmägä bärep kergän qorallı keşelärneñ kemnär ikäne älegä bilgele tügel.

Nigeriyanıñ Kogi töbägendä 13nçe sentyabr’dä dä qorallı keşelärneñ ber törmägä höcümendä 240 mäxküm qaçqan ide.