Böyekbritaniya patşabikäse xastaxanägä salındı
Êlizabet 2nçegä tabiblar yal itärgä kiñäş birä
Böyekbritaniya patşabikäse Êlizabet 2nçe çärşämbe tönen “berençel tikşerenülär” öçen xastaxanädä kiçerde. Bukingem sarayınnan yasalğan belderüdä bolay diyelä: “Patşabikä tabiblarnıñ berniçä kön yal itü kinäşennän soñ qayber analizlar öçen xastaxanägä yattı häm pänceşämbe könne töşke säğat’lärdä Vindzor qal’ğasenä kire qayttı.”
95 yäşendäge patşabikäneñ Patşa Êdvard xastaxanäsenä baruı başta yäşerelsä dä “The Sun” gazetınıñ xäbärennän soñ Bukingem sarayı belderü yasap monı rasladı.
Patşabikä Êlizabet 8 yıldan soñ täwge tapqır xastaxanädä tön ütkärde. Ul axırğı tapqır 2013nçe yılda aşqazanı häm êçäklek sırxawlığı belän şäxi klinikağa yatqan ide.
Patşabikä tabiblarnıñ kiñäşe belän 20nçe oktyabr’dä Tön’yaq İrlandiyägä yasayaçaq säfärennän dä waz kiçte.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
