Liviyägä 10 yıldan soñ turistlar kilde

100 keşelek törkem anda ay axırına qadär gizäçäk

1722594
Liviyägä 10 yıldan soñ turistlar kilde

“Ğaräp yazı” waqıyğaları başlanğan 2011nçe yıldan birle Liviyağa täwge turist törkeme kitte. Ul kübesençä ital’yan häm franśuzlardan tora. 100 keşelek törkem Liviya belän Tunis arasındağı Vazin çik qapqasınnan uzıp ilneñ kön’yaq-könbatışındağı Gadamis şähärenä kitte. Alar Kön’yaq Saxara, Akakus tawları, Gaberun küle şikelle çüldäge turistik urınnarğa yul totarğa uylıy. Törkem Gat häm Sabrata şähärlären qarağannan soñ başqala Tripoliğa baraçaq. Säyäxät programması ay axırında şunda tögällänä. Annarı turistlarnıñ tön’yaq Ras Cädir çik qapqası aşa uzıp qabat Tunisqa kiçäçäge belderelde.

Tunis häm Misırdan soñ 2011nçe yılnıñ 17nçe fevralendä Liviyädä başlanğan “Ğaräp yazı” waqıyğaları häm şunnan soñğı watandaşlar suğışı säbäple älege ilgä 10 yıldan artıq turist barmıy ide.



Bäyläneşle xäbärlär