Urta diñgezdä cirteträw
Urta diñgezdä 6.1 zurlığında cirteträw barlıqqa kilde
Greśiyanıñ Kerpe utrawı kiñlegendä cirle waqıt belän 08:32dä 6.1 zurlığında cirteträw barlıqqa kilde.
Urta diñgezneñ kön’yaq-könçığışında urnaşqan Kerpe utrawı kiñlegendä barlıqqa kilgän cirteträw Törkiyädä, Misırda, Livanda, Tön’yaq Kipr Törek Cömhüriyätendä häm İzraildä dä xis itelgän.
Afina Milli küzätüxanäse (observatoriyası) yasağan belderüdä cirteträwneñ Urta diñgezdä urnaşqan Kerpe utrawınıñ 127 çaqrım kön’yaq-könçığışında häm cirneñ 58 kilometr tiränlegendä barlıqqa kilüe äytelde.
Belderüdä äytelgänçä, zilzilädä ülüçe häm matdi zıyan bulmağan.
Afina universitetınıñ geologiya häm tabiğıy afätlär idaräsennän professor Efthymios Lekkas töbäktäge cirteträwneñ kiñ seysmik yoğıntısı buluın belderde.
Efthymios: “Köçle cirteträw häm şuna kürä dä kiñ mäydanda xis itelüe normal’. Śunami yäki iyärçen teträwlärne kötmibez”, - dip äytte.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde