İndoneziyada cir teträde

İndoneziyağa bäyle Bali utrawında barlıqqa kilgän 4,8 ball zurlığındağı cirteträwdä 3 keşeneñ ğomere özelde, 7 keşe yaralandı.

Meteorologiya, klimat häm geofizika oyışması tarafınnan yasalğan açıqlawda Bali utrawında 4,8 ball zurlığında zilziläneñ barlıqqa kilüe belderelde.

Cirle sägät’ belän tönge 03.18dä 10 çaqrım tiränlektä küzätelgän cirteträw êpiŝentrınıñ Karangasem töbägeneñ 8 çaqrım tön’yaq-könbatışı buluı citkerelde.

Karangasemda qayber öylär häm ğıybadätxanälär cimerelgän.

Töbäktä urnaşqan Bunga awılı räsmi zatı Nengax Kertava: “Awılıbızdağı öylärneñ 60%ı zıyan kürde häm qullanılmas xälgä kilde,” – dide.

Afättän soñ barlıqqa kilgän cir şuışuı arqasında 2 keşeneñ yaqtı dön’yadan kitüe açıqlandı, 3 awıl yulı yabıldı.

1 keşe isä xäräbälär astında qalıp ülgän.

4,8 ball zurlığındağı zilzilädän soñ 4,3 ballıq iyärçen cirteträw küzätelde.