Qıtay häm Rusiyä: Seberdä xärbi künegülär
Qıtay häm Rusiyä Seber yarlarında urtaq diñgez künegülären başlattı
“Global Times” gazetı xäbär itkänçä, "Urtaq diñgez 2021" isemle xärbi künegülär Rusiyäneñ Vladivostok şähäre kiñlegendäge Böyek Pyotr qultığında ütkärelä.
Xärbi uyınnarnıñ Qıtay häm Rusiyä flotlarınıñ êlemtä, minadan saqlanu, oçqıç häm köymä höcümnärennän saqlanu köçen qullanıp, urtaq manevr häm diñgez tämeklärenä urtaq ut açu säläten qamilläşterüne maqsat itüe belderelde.
Qıtaynıñ su astı köymäsenä höcüm itüçe oçqıçların häm 10 meñ tonnadan kübräk qorabl’-êsmineśların berençe tapqır çit ildä wazıyfalandırğan xärbi künegülär yäkşämbe könenä qadär däwam itäçäk.
Amerika Quşma Ştatlarınıñ global’ häm regional’ säyäsätläre belän xärbi köç säyäsäten tänqıyt’läwçe ike ilneñ Waşington citäkçelegeneñ Angliya häm Awstraliya belän tözegän “AUKUS” ittifaqı qısalarında Tın okeanında Awstraliyanıñ atom su astı köymäse flotın qoruına bulışaçağın iğ’lan itkän çorda urtaq xärbi künegülärne oyıştıruı iğ’tibarnı cälep itä.
