Putin Ukraina citäkçelegennän zarlandı

Rusiyä däwlät başlığı bu xaqta Merkel' häm Makron belän söyläşte

1718184
Putin Ukraina citäkçelegennän zarlandı

Rusiyä däwlät başlığı Vladimir Putin Germaniyä kanślerı Angela Merkel’ häm Franśiyä ilbaşı Êmmanuêl’ Makron belän söyläşte. Telefon aşa uzğan äñgämäneñ töp teması Ukraina ide.

Kreml’dän yasalğan belderüdä äytelgänçä, söyläşüdä Ukrainanıñ könçığışındağı krizisnıñ çişelü prośessınıñ äkren baruı öçen borçılu belderelä. Putin anda älege ilneñ idaräseneñ bu mäs’älädäge kileşülärne ütämäwen alğa sörä. Öç lider 2015nçe yılda tözelgän Minsk kileşüen tormışqa aşırunıñ ähämiyäten häm alğa taba Normandiya formatı qısalarında koordinaśiyäneñ täêmin itelüe belän qızıqsınuların assızıqladı.

Merkel’, Makron häm Putin söyläşüdä tiyeşle oyışmalarğa Normandiya formatı qısalarında oçraşu häm êşçänlekne arttıru kürsätmäse birde.



Bäyläneşle xäbärlär