Germaniyädä bügennän Kovid-19 testları tüläwle
Vakśina qadatmağan yäisä Kovid-19 kiçermägän keşelärneñ test şartı quyılğan urınnarğa kerergä telägändä negativ test näticäsen kürsätüläre mäcbüri
Germaniyädä koronavirus testları öçen bügennän başlap tüläw alına başlıy. Maqsat: kizü belän köräş qısalarında tağın da kübräk keşene vakśina yasatuğa êtärü.
Vakśina qadatmağan yäisä Kovid-19 kiçermägän keşelärneñ test şartı quyılğan urınnarğa kerergä telägändä negativ test näticäsen kürsätüläre mäcbüri.
Awırlı xatın-qızlar, 12 yäş’tän keçe balalar, qartlar yortı häm xastaxanägä xäl beleşergä kilüçelär öçen koronavirus testları buşlay qala. Başqa keşelär tiz antigen testları 18dän başlap 40 yevroğa qadär. Bäyä töbäkkä qarap üzgärä.
Germaniyä tabiblar assośiaśiyäse testlarnıñ tüläwle buluın tänqıyt’läde. Oyışmadan belderülärençä, bu watandaşlarnıñ test yasatmıy başlawına kiteräçäk häm şul säbäple yoqtıru oçraqları artaçaq.
Germaniyä xökümäte kizü başınnan 15nçe sentyabr’gä qadär testlar öçen yaqınça 5,3 milliard yevro tülägän.
