Yaponiyada köçle teträw

Yaponiyädä kiçä bulğan cir teträwdä 32 keşeneñ yaralanuı belderelde. Anıñ märkäze Tokio belän kürşe töbäk Tibada ide. Näticädä Kanto cirlegenä ireşü yulları yabıldı.

Tokionıñ Adaçi rayonında ber yulçı poyızdında cir teträw waqıtında aşığıç xäl tormozın qullanalar. Vagonnar rel’slardan çığa. Bik küp poyızd säfärläre waqıtlıça kiçekterelä. Monıñ näticäsendä töne buyı öylärenä qayta almağan keşelär öçen Adaçida ber mäktäpneñ sport salonında sıyınu urını äzerlänä.

Kimendä 32 keşeneñ yaralanuı belderelä. Alarnıñ 3se rel’slardan çıqqan poyızdda bula.

Yaponiyädä cir teträwdän soñ timer yullarda başlanğan kiçegülär  qayber cirleklärdä bügen dä däwam itä. İrtän êşkä kitü öçen öyennän çıqqan bik küp keşe stanśiyälärdä ozın çiratlarğa tezelde.

Yaponiyä kiçä 6,1 ball zurlığındağı cir teträw buluın xäbär itkän ide. İlneñ meteorologiya agentlığı anı bügen 5,9 ball dip tözätte.