Tesladan 137 million dollar "qayırdı"

Qara tänle xezmätkär İlon Masknıñ şirkäten rasaçılıqta ğayepläde

1715804
Tesladan 137 million dollar "qayırdı"

İlon Masknıñ şirkäte Tesla rasaçılıqqa duçar bulğan êlekkege xezmätkärenä 137 million dollar kompensaśiya tüläyäçäk. Anda lift operatorı bularaq êşlägän afroamerikalı Ouên Diaz 4 yıl êlek Kaliforniyadağı mäxkämägä möräcäğat’ itä. “Miña doşmança qarawçılar arasında êşlädem. Rasaçılıqqa duçar buldım,”-di ul.

Ouên Diaz mäxkämädä xezmättäşläreneñ üzenä häm şirkättäge başqa qara tänlelärgä qarata kimsetüçe süzlär qullanuın alğa sörä. Ul 4 yıl däwam itkän xoquq köräşendä ciñä. Mäxkämä Teslanıñ rasaçıl häm ksenofobik möğamälä kürgän Diazğa 137 million dollar kompensaśiyä tülärgä tiyeşlege turında qarar çığardı.

Tesla monnan alda da başqa ber xezmätkär açqan oxşaş däğ’wada 1 million dollar tülärgä mäcbür bulğan ide.



Bäyläneşle xäbärlär