Avstraliyä kemnärne kertäçäk?
İlneñ çikläre noyabr' ayında açılaçaq
Avstraliyä kvalifikaśiyäle immigrantlar häm xalıqara studentlarğa östenlek biräçäk, şuña kürä turistlarnı barı kiläse yıldan ğına qabul itä başlayaçaq. Bu xaqta xökümät räise Skott Morrison belderde. Ul matbuğat cıyılışında koronavirus tarala başlağan çor dan, yäğ’ni 2020nçe yılnıñ martınnan birle yabıq bulğan çiklärneñ noyabr’dä qabat açılaçağın, tik Avstraliyägä külüçelärneñ saylap alınaçağın citkerde.
Çiklär açıluğa kerü östenlege çit illärdäge avstraliyälelärgä bireläçäk. Kovid-19 vakśinasınıñ 2 dozasın da yasatqan bulularına qaramastan, älege watandaşlar qaytqannan soñ üz öylärendä 7 könlek karantinda totılaçaq.
Skott Morrison Avstraliyägä kilüçe östenleklelär isemlegendä turistlarnıñ bulmawın, alarnı 2022nçe yıldan ğına qabul itä başlayaçaqların assızıqladı.
“Çirattağı östenlek il öçen ähämiyätle bulğan häm ike dozasın da yasatqan kvalifikaśiyäle immigrantlar, monnan tış, Avstraliyädä belem aluçı häm öylärenä qaytıp kire kilüçe studentlarğa bireläçäk,”-dide xökümät räise.
