Yoqı sıyfatı Ayğa bäyle

Keşelärneñ yoqı sıyfatına Aynıñ fazaları täêsir itä.

Şveśiyädäge Uppsala universitetı ğalimnäre alıp barğan tikşerenü kürsätkänçä, Cirneñ iyärçene śikllarına qarap yoqınıñ nindi bulaçağın da farazlarğa mömkin.

Belgeçlär 850dän artıq keşeneñ yoqlawın küzätä häm polisomnografik ülçäneşlären qullanıp ber töndä yoqınıñ başın, ozınlığın häm sıyfatın açıqlıy. Bu tikşerenü Ay śikllarınıñ törle êtaplarında ir-atlarda da, xatın-qızlarda da ütkärelä.

Keşelär, ğadättä, qarañğılıqta tağın da yaxşı yoqlıy. Şuña kürä, tulğan ay waqıtında täcribädä qatnaşuçılarnıñ äybät yoqlamawı küzätelä.

Tikşerenü näticäläre ay śikllarınıñ keşe yoqısına ähämiyätle häm küzgä kürenerdäy yoğıntı yasawın dälilläde. İr-atlarda bu täêsir, xatın-qızlarğa qarağanda, nığraq sizelä.  

Yoqınıñ sıyfatı, şulay uq, cirneñ tartu köçendäge üzgäreşlär häm geomagnitik prośesslarğa da bäyle.