AQŞ, Angliya häm Awstraliya yaña iminlek xezmättäşlegen urnaştırdı

Amerika Quşma Ştatları, Angliya häm Awstraliya liderları “AUKUS” iseme astında yaña iminlek xezmättäşlegen tözülären häm bu qısada AQŞ belän Angliyanıñ Awstraliya belän atom-töş ênergiyalı suastı texnologiyası belän urtaqlaşaçağın belderde.

AQŞ İlbaşı Djo Baydennıñ Aq Yortta oyıştırğan matbuğat oçraşuında Angliya Baş ministrı Boris Johnson häm Awstraliya Baş ministrı Scott Morrison da virtual’ bularaq qatnaştı.

Liderlar AQŞ, Angliya häm Awstraliya arasında “AUKUS” isemle yaña iminlek xezmättäşlegeneñ urnaştırıluın citkerde.

Bayden matbuğat oçraşuında yasağan çığışında, Awstraliya häm Angliya belän urtaqlıqlarınıñ ozaq yıllarğa barıp totaşuın iskärtep uzıp, 21nçe ğasırda oçraşılğan awırlıqlar belän dä bergä köräş alıp baraçaqların belderde.

Hind-Tın okeanı töbägendäge xäzerge wazğiyätneñ dä şuşı öç ilneñ xezmättäşlegen zarur qıluına basım yasawçı Bayden: "Xäzerge waqıtta bülenüebez yäki ber-berebezdän ayırıluıbız öçen mantıyqlı säbäp yuq”, - dip bäyäläw yasadı.

Bayden: "AUKUS astında iñ möhim proyekt bularaq Awstraliyanıñ konvenśial’ qorallı atom ênergiyalı suastı köymäsenä iyä buluı öçen kiñäşmälärebezne başatabız. Biredä atom qorallı suastı köymäse turında tügel, atom reaktorları belän êşläwçe konvenśional’, ğadäti qorallı suastı köymäse turında süz alıp barabız. Bu texnologiyanıñ qurqınıçsız buluı raslandı. AQŞ häm Angliya distä yıllar däwamında monı qullana”, - dip äytte.

Kiläse 18 ay buyı şuşı kiñäşmälärneñ däwam itäçägen citkerüçe Bayden bu kiñäşmälärneñ alıp barıluı öçen AQŞ Saqlanu ministrı Lloyd Austinğa boyırıq birüen häm Saqlanu ministrlığınıñ ênergetika häm däwlät departamentı, tışqı êşlär ministrlıqları belän bergä êşçänlek alıp baraçağın äytte.