Nigerdä 300 dän artıq mäktäp yabıq
Monıñ säbäbe - terror höcümnäre
1705583
Nigerdä 22 meñ bala belem ala almıy, çönki terror höcümnäre arqasında 300 dän artıq mäktäp yabıq.
Bu xaqta Berläşkän Millätlär Oyışmasınıñ Balalarğa yärdäm itü fondı YUNİSEF belderä.
Anda äytelgänçä, höcümnär ayıruça Tillaberi, Taxua, Diffa töbäklärendä yış bula.
Kürşe il Malidağı “Äl Qaidä” häm “DEAŞ” belän bäyläneşle terror törkemnäre Burkina - Faso häm Nigerdä höcümnär oyıştıra.
Berläşkän Millätlär Oyışması mäğ’lümatlarına qarağanda, Nigerdä soñğı 3 yılda terror höcümnäre arqasında 313 meñ keşe il êçendä yäşägän ciren almaştırğan, 235 meñ keşe çiktäş illärgä sıyınırğa mäcbür bulğan.