Nigeriyädä xolera tarala

Könbatış Afrika ile Nigeriyädä xoleradan ülüçelär sanı 2 meň 141gä citkän.

Nigeriya awırularnı kontrol’dä totu üzägeneň mäğ’lümatlarına qarağanda, êpidemiya 23 vilayät’kä taralğan.

Yıl başınnan birle il külämendä 65 meň 145 keşegä xolera diagnozı quyılğan bulsa, 2 meň 141   keşe êpidemiyädä ğomeren yuğaltqan.

"Vibrio" dip atalğan bakteriya arqasında kilep çıqqan xolera azıq-tölek häm su aşa yoğa.

Köçle êç kitügä häm organizmda su yuğaltuğa kiterä torğan xolera , däwalanmasa, ülemgä kiterergä  mömkin.

Nigeriyädä çista su citmäw, tiz häm näticäle mediśina yärdäme kürsätä almaw awıru häm ülem qurqınıçın arttıra.

İldä bizgäk, poliomielit, tif kebek awırular yış oçrıy.