İran “Taliban”nıñ höcümnären gäyepläde
İran, Äfğanstanda “Taliban”nıñ başqala Qabulnıñ tön’yağındağı Päncşir vilayätenä yasağan höcümnärne gäyepläp, bäreleşkän taraflarnı problemalarnıñ çişeleşe öçen dialog urnaştırırğa çaqırdı
İran tışqı êşlär ministrlığı süzçese Said Hatibzadä başqala Tähranda oyıştırğan matbuğat oçraşuında “Taliban”nıñ Päncşir üzänlegendäge höcümnären kisken räweştä gäyepläwen belderde.
Päncşirdäge wazğiyätne "borçılırlıq” bularaq bäyäläwçe Hatibzadä: "Här ike taraf ta qardäş ütereşenä röxsät birmäskä tiyeş. Päncşir xalqı açlıqtan ülä, su häm êlektr özelep qamawğa duçar itelä. “Taliban” xalıqara xoquq qısalarındağı yöklämälären ütärgä mäcbür”, - dip äytte.
Hatibzadä bu ildä berdänber çişeleş yulınıñ Äfğanstandağı böten taraflar arasında dialognıñ täêmin itelüe häm kiñ qırlı xökümätneñ tözelüe buluına basım yasadı.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde