Mu variantı turında kisätü

Bötendön’ya sälamätlek saqlaw oyışması Kolımbiyädä täwge tapqır ğıynvar ayında terkälgän koronavirusnıñ “Mu” variantınıñ vakśinalarğa qarşı tora aluçan bula aluın belderde. Ul bigräk tä Kön’yaq Amerikada taralğan. Awrupada da yoqtıru oçraqları bar.

Bötendön’ya sälamätlek saqlaw oyışmasınıñ xisabında äytelgänçä, Mu centekläp tikşerelergä tiyeşle variantlar arasında. Anıñ vakśinalarğa qarşı tora aluçı mutaśiyälärgä iyä buluı bilgele. Ämma monı tağın da tögälräk äytü öçen yaña êşçäñleklär häm mäğ’lümatlarğa ixtiyac bar.

Mu variantınıñ dön’yaküläm taraluı xäzerge waqıtta 0,1% tiräse. Tik Kolumbiyädä ul awırtu oçraqlarınıñ 39%ın, Êkvadorda – 13%ın täşkil itä. Şuña kürä variantnıñ taraluı daimi räweştä arta.

Bötendön’ya sälamätlek saqlaw otışması koronavirus variantların VOC (borçu tudıruçı) häm VOİ (qızıqsındıruçı) ike sıynıfqa bülep qarıy.

Xäzergä qadär borçu tudıruçılar isemlegenä 4 variant kerde. Bolar: 193 ildä oçrawçı Al’fa, 141 däwlättä terkälgän Beta, 91 ildä açıqlanğan Gamma häm 170 ildä taralıp soñğı çorda täêsirle bulğan Del’ta.

Mu – älegä qızıqsındıruçı variantlar arasında.