"Êvakuaśiyälängännärneñ 77%ı äfğan"

AQŞnıñ Aq Yort süzçese Djen Psaki Äfğanstannan êvakuaśiyälängän yaqınça 120 meñ keşeneñ 77%ınıñ maxsus migrant vizası aluğa xoquqlı äfğannar buluın belderde. Ul köndälek matbuğat brifingında bu xaqtağı sorawlarğa cawap birde.

Psaki äytüençä, Äfğanstannan êvakuaśiyälänmägän keşelärne alıp çuğu öçen êşçänlek däwam itä. Ul, bu xaqta söylänmägän bulsa da, êvakuaśiyä öçen oçqıç tışındağı yullarnı da qullanuların citkerde. Qayber oçraqlarda keşelärne boralaqlar belän taşığannar. Bolar qurqınıçsızlıqnı saqlaw maqsatınnan belderelmägän.

Psaki Qabulnıñ Xamid Karzai aêroportın êvakuaśiyäläwlär öçen qabat açu nisbätennän êşçänleklärneñ däwam itüen assızıqladı. Ul monıñ öçen Törkiyä häm Katar belän söyläşülär baruın citkerde.