"Talibannı tanu öçen aşıqmıybız"

AQŞtan “Qabul aêroportı êşlätep cibärü häm açıq totu öçen Törkiyä häm Katar belän bergä êşlibez” digän belderü kilde.

Aq Yort süzçese Djen Psaki köndälek matbuğat brifingında AQŞnıñ Äfğanstannan çığu prośessı häm soñğı täräqqıyätlär belän bäyle sorawlarğa cawap birde.  

Ul Xamid Karzai aêroportınıñ açıq buluınıñ härkemneñ mänfäğatenä turı kilüen äytte.

“Monda ähämiyätle xezmättäşlär bulğan töreklär häm katarlılar belän êşli torğan konkret mäs’älä - aêroportnıñ grajdanlı aviaśiya yağın qullanunı qabat torğızu. Şulay itep, barı keşelärne êvakuaśiyäläw genä tügel, Bötendön’ya azıq-tölek programmasınnan häm başqa oyışmalardan gumanitar yärdämnärneñ ireşelüe dä mömkin bulaçaq,”- dide ul.

Psaki AQŞnıñ Äfğanstannan çığu qararın yaqlıy. Ul êvakuaśiyä mäs’äläsendä Taliban belän söyläşülärneñ däwam itäçägen belderde. Ä menä anı qanunlı xökümät bularaq tanuğa kilgändä, süzçe Psaki bolay cawap birde: Härwaqıttağıça bu da şartlarğa bäyle, ämma xäzerge waqıtta bu xökümätne tanu öçen aşıqmıybız”