Hindstanda bilgesez awırudan qırılalar

Hindstannıñ Firozabad şähärendä 24 säğat’tä 12 bala “serle yuğarı temperatura”dan ülde.

“The Times of India”nıñ xäbärenä qarağanda, Uttar Pradeş töbägeneñ qayber rayonnarında kiñ taralğan intensiv viruslı yuğarı temperatura säbäple uzğan atnada 68 keşeneñ ğomere özelgän. Alarnıñ 40ı bala.

Awırularnıñ kübesendä yuğarı temperatura, organizmda sunıñ kimüe häm trombośit sanınıñ kisäk azayu kürelä. Tän temperaturası 10 könnän artıq töşmi. Qayber cirleklärdä däwlät xastaxanälärendä urın citmi başladı.

Agra, Matxura, Maynpuri, Êta häm Kazgandj töbäklärendä bik küp awıruçılar barlığı belderelä. Firozabad älege bilgesez çirdän iñ küp zarar kürgän cirlek buldı. Andağı mediśina fakul’tetında yatuçı 135 balanıñ 72se yäşäw belän ülem arasında.

Wäqalätlelär awırularnın yartısınnan artığında denge qızamığı bilgeläre buluın citkerde.