Tesla ike maşinağa kilep bärelde

AQŞnıñ Florida ştatında avtopilotlı Tesla maşinası ike texniqağa kilep bärelde. Waqıyğa Orlando şähäre yanında bula. Ber poliśiyä maşinası başqa ber avtomobil’gä yärdäm itü öçen yul qırıyına tuqtıy. Tesla alarnıñ ikesenä kilep bärelä. Qazada 2 keşe ciñelçä yaralana.

AQŞnıñ yul xäräkäte qurqınıçsızlığı idaräse hälakätlärdän soñ Teslanıñ avtopilot dip ataluçı aldınğı qullanu sistemasına bäyle räsmi tikşerü êşe başlağan ide.

2018nçe yılnıñ ğıynvarınnan birle avtopilot kontrolendä êşläwçe Teslalarnıñ yanğın sünderü häm poliśiyä maşinalarına kilep bärelüeneñ 11 oçrağı terkälgän. Bu qazalar 17 keşeneñ yaralanuı, ä berseneñ isä üleme belän tögällänä. Hälakätlärneñ kübese qarañğı töşkännän soñ bula.