AQŞ üç ala başladı

AQŞ 26nçı avgust pänceşämbe könne Qabul aeroportı tiräsendä terrorçı höcüme oyıştırğan DEAŞnıñ Xorasan bülege atamanına qarşı Äfğanstanda hawa höcüme yasawın belderde.  

Bu xaqta ilneñ Üzäk quätlär süzçese, polkovnik Bill Urban xäbär itte. Älege operaśiyä Äfğanstannıñ Nangaxar töbägendä keşesez hawa apparatı yärdämendä yasala. “Berençel mäğ’lümatlarğa qarağanda, nişanğa alınuçını üterdek. Grajdanlılar arasınnan yuğaltu bulmawın beläbez,”-dide ul.  

Qabulnıñ Xamid Karzai xalıqara aêroportı yanında bulğan şartlawda 13 AQŞ xärbiye häm 170tän artıq äfğanstanlınıñ ğomere özelde.

Höcüm öçen cawaplılıqnı DEAŞnıñ Xorasan bülege üz östenä aldı. AQŞ ilbaşı Djo Bayden isä moña qarşılıq kürsätäçäklären belderde.