Äfğanstandağı şartlawda inglizlär dä ülde
Angliyäneñ tışqı êşlär ministrı Dominik Raab bu xaqta belderü yasadı
Äfğanstannıñ başqalası Qabuldağı Xamid Karzai xalıqara aêroportı yanındağı terrorçı höcümendä 3 Angliyä watandaşı hälaq bulğan. Alarnıñ berse – bala.
İlneñ tışqı êşlär ministrı Dominik Raab bu xaqta belderü yasadı. “Terrorçı höcümendä 2 Angliyä watandaşı häm tağın ber watandaşnıñ balasınıñ ğomere özelüe, monnan tış, ike keşebezneñ yaralanuın işetü mine tirännän ärnette,”-dide ul.
Raab ber ğayepsez keşelärneñ ğomere özelüe häm qurqaq terrorçılar tarafınnan üterelüeneñ faciğa ikänen äytte.
“Bu xurlıqlı höcüm Äfğanstandağılarğa yanawçı qurqınıçnıñ zurlığın häm keşelärne çığaru öçen qulıbızdan kilgän här närsäne êşläwebezneñ ähämiyäten kürsätä. Ğailälärenä konsullıq yärdäme kürsätäbez. İxtiyacları bulğanda bezgä möräcäğat’ itüçelärgä artıbız belän borılmayaçaqbız, terrorçılar qarşında berqayçan da başıbıznı imäyäçäkbez”-di Dominik Raab.
