Livanda milli matäm köne yaqınlaşa

Livanda Beyrut portında bulğan şartlawğa ber yıl tulğan kön – 4nçe avgust milli matäm köne iğ’lan itelde. Bu xaqta ilneñ räsmi agentlığı NNA xökümätneñ qararına nigezlänep xäbär itä.

4nçe avgust könne bayraqlar yartılaş töşereläçäk häm däwlät oyışmaları yabıq bulaçaq.

İsegezgä töşeräbez, Beyrut portında 2020nçe yılnıñ 4nçe avgustında şartlatqıç matdälär quyılğan saqlağıçta başta yanğın çıqtı häm şunnan soñ şähärne teträtkän bik köçle şartlaw buldı.

İlbaşı Mişel’ Aun şartlawğa 6 yıl buyı porttağı ber saqlağıçta torğan 2 meñ 750 tonna ammiak selitrası säbäpçe buluın belderde.

Waqıyğada 190nan artıq keşeneñ ğomere özelde, 6 meñnän kübräge yaralandı, 300 meñ keşe yort-cirsez qaldı.