Korab êkipajı tulısınça diyärlek Kovid-19 yoqtırdı
Böyekbritaniya flotınıñ iñ zur xärbi korabına koronavirus ütep kerde
Angliya patşa flotınıñ iñ zur xärbi korabı “HMS Kuin Êlizabet”ta xezmät itüçe êkipajdağı yaqınça 100 keşeneñ koronavirus testı pozitiv çıqqan.
BBCdä urın alğan xäbärgä qarağanda, korab xäzerge waqıtta 9 köymäle flot belän Hind okeanında. “HMS Kuin Êlizabet”tağı wäzğıyät’ başqa korablarğa da täêsir itkän. Flotta barlığı 3 meñ 700 keşelek êkipaj xezmät quya.
Böyekbritaniyä saqlanu ministrı Bên Uolles êkipajnıñ barlıq äğ’zalarına koronavirus vakśinasınıñ 2 dozası da yasaluın häm kizüneñ kontrol’dä totıluın belderde. Älege wäzğıyät’neñ flottağı xezmätkä xilaflıq kitermäyäçäge citkerelde.
Patşalıq flotınıñ admiral korabı “HMS Kuin Êlizabet” dön’ya turı qısalarında 9 köymäle flot belän bergä may ayında ilneñ Portsmut portınnan quzğaldı. Älege köymä Angliyädäge iñ zur häm köçle xärbi korab sanala. Ul 280 metr ozınlığında häm 40 oçqıç sıydırışlı.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar