Biontex häm Moderna vakśinalarınıñ köçe yıllarça saqlana

Koronavirusqa qarşı uylap tabılğan Pfayzer-Biontex häm Moderna vakśinalarınıñ çirdän farazlanğannan tağın da ozağraq saqlawı belderelä.

Ber törkem ğalimnär älege preparatlarnıñ keşe organizmında Kovid-19ğa qarşı yıllar buyı saq täêmin itärlek köçle immunitet reakśiyäse buluına dälillär taptı.

Yaña êşçänlek, monnan tış, bu ike mRNK vakśinasınıñ, alarnıñ täêsirlelegen kimetüe äytelgän “beta variantı”n da kertep, koronavirusnıñ 3 variantına qarşı toruçı yuğarı däräcädä neytral’läşterüçe antitänçeklär citeşterüen kürsätte.

Tikşerenüdä açıqlanğança, älege vakśinalarnıñ berençe dozasınnan 4 ay çaması waqıt uzğannan soñ da organizmnıñ limfa töyennärendä immun küzänäklären kiläse yoğışlı çirlärdän saqlanırğa öyrätüçe germinal’ üzäklär bar.  

Ğalimnär vakśinalarnın tağın da yoğışlı Del’ta variantına qarşı êffektivlığı mäs’äläsendä faraz yasamıy.