AQŞta işelgän bina astında qaluçılarnı taba almıylar

İşelüdän soñ başlanğan yanğında ber-berenä êrep yabışqan timer häm beton öyeme astınnan yuğalğan keşelärne êzläw zur awırlıq belän bara

1666881
AQŞta işelgän bina astında qaluçılarnı taba almıylar

AQŞnıñ Florida ştatında 13 qatlı binanıñ öleşçä işelüe näticäsendä ğomere özelüçelärneñ sanı 10ğa citte. Mayami şähärendä bulğan waqıyğada qotqaru êşçänlekläreneñ 5nçe köne däwam itä. Yuqqa çıqqan 150dän artıq keşene tabırğa tırışalar.

Ştatnıñ yanğın sünderü buyınça cawaplı wäqalätlese Djimmi Patronis 300dän artıq aşığıç qotqaru törkemeneñ könne töngä yalğap êşläwen citkerde. Moña İzrail häm Meksikadan kilgän belgeçlär dä kerä.

Mayami-Djeyd yanğın sünderü şefı Rêy Djadallax qotqaru êşçänlegeneñ uylanğan qadär caylı bulmawın, törkemnärneñ işelüdän soñ başlanğan yanğında ber-berenä êrep yabışqan timer häm beton öyeme astınnan yuğalğan keşelärne iğ’tibarlılıq belän êzläwen äytte.  

Serfsayd rayonı wäqalätleläre 2018nçe yılda bina idaräsenä yortta zur xilaflıqlar barlıqqa kilüen beldergän. Ul waqıtta binanıñ çatnağan bağanaları belän waqlana başlağan betonında yaqınça 9 million dollarlıq tözekländerü kiräklege äytelgän.

Mayami Biçnıñ tön’yağında 24nçe iyün’ pänceşämbe könne 13 qatlı 270 fatirlı lyuks yortnıñ yartısı kisäk işelep töşte.



Bäyläneşle xäbärlär