Angliya nindi reklamalarnı tıydı?

Angliyada sälamät bulmağan rizıqlarnıñ reklaması tıyıldı.

Kiçke 21.00dan alda şikär, toz häm may küläme yuğarı bulğan azıq-töleklär zäñgär êkrannarda kürsätelmäyaçäk.

Tıyu kiläse yılnıñ azağında ğamälgä keräçäk.

Simezlek belän köräş öçen qabul itelgän çikläw qararı ayıruça balalarnı ıbır-çıbır reklamalarınnan saqlaw öçen qıyu häm uñay adım bularaq qabul itelä.

Reklaması tıyılğan rizıqlar arasında şokolad, gamburger, kesklar, tuñdırma, peçen’ye, soklar, çipsı häö piŝŝalar bar.

Şirkätlär produkŝiyalären üz internet säxifälärendä häm soŝial’ çeltärlärdä tanıta alaçaq.

Simezlek Angliyada möhim problema bulıp tora. Milli sälamätlek saqlaw oyışması mäğlümatlarına kürä Angliyadağı baliğ buluçılarnıñ yaqınça öçtän ike öleşe simez.

Belgeçlär internetta häm zäñgär êkran qarşında küp waqıt uzdıruğa iğtibarnı cälep itä.