Yar buyında isemsez qaber taqtaları
Niderlandta hälaq bulğan 44 meñ möhacirne iskä aldılar
Niderlandta 20nçe iyün’ – xalıqara migrantlar köne uñayınnan çaralar uzdı.
Gaaga şähäreneñ yar buylarında oyıştırılğan demonstraśiyädä älegä qadär ğomere özelgän yaqınça 44 meñ möhacirne iskä aldılar. Anda qayberlärenä qaçaqlarnıñ isemnäre yazılğan taqtalar belän simvolik qaber taşları quyıldı. Oyıştıruçılar monıñ Awrupağa barğanda batıp ülgän yäisä çik buylarında can birgän keşelärne onıtmaw öçen êşlänüen äytä. Härberse ber şäxesne kürsätä, ämma ğomere özelüçelärneñ kübeseneñ kem ikäne bilgele tügel, şuña kürä taqtalar isemsez.
Çarada yasalğan çığışlarda möhacirlärneñ yazmışları xaqında söylädelär.
Qatnaşuçılar ğomere özelgän qaçaqlarnı iskä alu häm onıtmawnıñ citärlek bulmawın assızıqlıy. Alar barlıq möhacirlärneñ ğomerläre qotqarılğanğa qadär köräşne däwam itäçäklären belderä.
