İranda yaña ilbaşı kem bulaçaq?

lege ildä bügen saylawlar

1660833
İranda yaña ilbaşı kem bulaçaq?

Bügen İranda  ilbaşın saylıylar. Yaqınça 83 million keşe yäşäwçe ildä 59 million 310 meñnän artıq saylawçı bar.

Tawış birüneñ berençel näticäläre tön urtasınnan soñ açıqlana başlayaçaq. İrtägä töşkä qadär yaña ilbaşınıñ iseme bilgele bulır dip kötelä.

Kandidatlar - êlekkege xärbi komandir Muxsin Rızai, deputat Ämir Xösäyen Kadızadä Xaşimi,  mäxkämä xakimiyäte başlığı İbrahim Räisi häm reformaçı, êlekkege Üzäk bank başlığı Abdunnasıyr Ximmäti.

İranda ilbaşı 4 yıl xakimiyättä qala häm ber keşe iñ kübe 2 tapqır ber-ber artlı bu wazıyfağa saylana ala. Xäzerge däwlät başlığı Xäsän Ruxani 2 çor il belän idarä itte, şuña kürä bu yulı kandidat bula almadı.

Berençe turda uq saylanu öçen 50+1% tawış alu kiräk. Ägär beräw dä bu çikne uza almasa, iñ küp tawış cıyğan ike kandidat ikençe turğa qala.

Konservativ İbrahim Räisineñ täwge turda uq ciñäçäge farazlana.



Bäyläneşle xäbärlär