Berlinda bulğan çualışlarda 60 poliśiyä xezmätkäre yaralandı
Waqıyğa sulçılar belän iminlek xezmätkärläre arasında bula
1659877
Germaniyäneñ başqalası Berlinda tärtip bozuçılar belän çıqqan bäreleşlärdä 60 poliśiyä xezmätkäre yaralandı.
Êkstremal’ sulçı törkemnär Fridrixşayn rayonında üzläre küptän basıp alğan ber binada yanğın sünderü öyränülärenä komaçawlarğa mataşa. 200 keşelek açulı törkem yort yanındağı uramnarğa barrikadalar qora häm maşina tägärmäçläre yandıra.
Poliśiyä xezmätkärläre basıp aluçılar belän qarşılıqqa kerä. Törkem tärtip saqçılarına taş häm şeşälär ata. 60 poliśiyä xezmätkäre yaralana.
Waqıyğadağı binanı uzğan yıl çiktän tış sulçılar basıp ala häm ozaq waqıt alarnı çığara almıylar. Oktyabr’ ayında poliśiyä yärdäme belän yort buşatıla. Küçemsez milekneñ xucası häm basıp aluçılar arasında xoquqıy prośess isä küptän däwam itä.