"Şähärdä tıçqannar şikelle yäşibez"

Bel’giyädä 10 yıl yäşäw xoquqı dawlawçı häm univeristet aşxanäläre, çirkäwlärdä ğomer kiçerergä mataşuçı 400 dokumentsız migrant açlıq iğ’lan itte. Alarnıñ kübese Marokko, Äfğanstan, Paqıstannan.

19 kön aç toruçı migrantlar ilgä qanunsız yullar belän kermäwlären, qullarında viza bulğan xäldä dä yäşäw xoquqına ireşä almawların belderä.  “Şähärdä tıçqannar şikelle yäşibez,”-dip zarlana alar häm qaçaq êşçe xälendä buluların, balalarınıñ mäktäpkä yöri almawın häm citärlek tuqlanmawların assızıqlıy.

Awrupanıñ qalebendä tormış öçen köräşüçe häm şartlarınıñ yaxşırtıluın  teläwçe möhacirlär möräcäğat’lären centekläp qarawçı bäysez komitet tözelüen teli. Bel’giyä migraśyä xezmäte isä alarnıñ yäşäw xoquqı alu öçen kiräkle prośeduralarnı tögällämäwen belderä. Wäqalätlelär äytüençä, migrantlar “teläsä-nindi säbäp belän ilgä kerik, annan küz kürer” digän fiker belän êş itä.

Dokumentsız möhacirlär ğıynvar ayında da rizasızlıq çarası başlağan ide. Ämma wäqalätlelärneñ çara tabarğa süz birülärennän soñ tuqtattılar.