AQŞta koronavirus 2019nçı yılda uq bulğanmı?

Kovid-19 oçraqlarınıñ uylanılğannan tağın da êlegräk kürenüenä dälillär arta

1659203
AQŞta koronavirus 2019nçı yılda uq bulğanmı?

Koronavirusnıñ Amerika Quşma Ştatlarında 2019nçı yılnıñ dekabrendä ük tarala başlawına dälillär arta. İlneñ awırularnı kontrol’dä totu häm profilaktika üzäge 24 meñ Amerikalıdan uzğan yıl başında alınğan qan ürnäklärendä centekle analiz uzdırdı. Annan kürengänçä, Kovid-19 oçraqları 2019nçı yılnıñ dekabrendä ük AQŞnıñ qayber cirleklärendä kürelgän.

Üzäkneñ wäqalätlese Natali Tornburg bolay di: “Tikşerenülär bik êzlekle. Möğayen, monda bez belgännän tağın da êlegräk siräk bulsa da awırtu oçraqları bulğandır, ämma alar fevral’ axırına qadär kiñ taralmağan”.

AQŞta kürelgän berençe koronavirus oçrağı dip 2020nçe yılnıñ 15nçe ğıynvarında Qıtaynıñ Uxan’ şähärennän qaytqan häm 19nçı ğıynvarda Vaşington ştatındağı klinikada däwalanuğa salınğan amerikalı isäplänä ide.

Uzğan yıl Amerikanıñ Qızıl Xac oyışması da donorlardan cıyılğan qan ürnäklären analizlağannan soñ koronavirusnıñ 2019nçı yılnıñ dekabrendä ük qayber amerikalılarğa yoqqan bulu farazın belderde.



Bäyläneşle xäbärlär