İzrail ziratlarnı da bombalağan

İzrail blokada astındağı Ğazzägä 10nçı mayda başlatqan häm 11 kön däwam itkän höcümnärdä 254 fälästinleneñ ğomere özelde, 1948 keşe yaralandı, meñnärçä bina cimerelde yäisä qullanılmaz xälgä kilde.

Ğazzäneñ törle töbäklärendä küpçelek toraq punktları häm küp qatlı binalarnı maqsat itep alğan İzrail xärbi oçqıçları ziratlanı da bombağa tottı.

Höcümnärdä qayber mäyetlär yuğaldı, qayber qaberlärdä dä zur çoqırlar barlıqqa kilde.

Ğazzädäge Fälästin Vaqıfları häm Dini êşlär räislegennän yasalğan açıqlawğa kürä İzrail höcümnärendä Ğazzäneñ törle töbäklarendä 6 zirat bombalandı.

Şucaiyye mäxälläsendä maqsat itep alınğan Tuveynisi ziratı saqçısı Xalit Nasrallah açıqlaw yasap: “14 mayda Ramazan bäyrämeneñ ikençe könendä ziratqa İzrail xärbi oçraqları höcüm itte. Zirat zur zıyan kürde. 200dän artıq qabergä zarar kilde. Ülgännärne ni öçen maqsat itepmaldılar, añlamıym. Bu qaberlärdä İzrail qorılğançığa qadär wafat bulğan keşelär dä yata,” – dide ul.

Nasrallah ziratlarnı bombalawnıñ İzrail näfräteneñ ülçämen kürsätüen äytte.