NATO: “Törkiyäneñ iminlek çaralarına öleşebezne arttırdıq”
NATO sammitı beldergesendä: "Törkiyä öçen iminlek çaralarına öleşebezne arttırdıq. Bez monıñ tulısınça tormışqa aşırıluında täwäkkäl,” - dip äytelde
Bel’giya başqalası Bryussel’dä oyıştırılğan NATO liderlar sammitı üz êşen tögälläde.
Yuğarı däräcäle oçraşudan soñ yasalğan beldergedä: "Süriyädän Törkiyägä yasala alınaçaq yäki qurqınıç tudıra alaçaq raketa atışlarına qarşı ayaw bulırğa däwam itäbez. Berlektäşebez Törkiyägä millionlağan süriyälene qabul itkäne öçen räxmätebezne qabatlap belderäbez”, - dip äytelde.
Şul uq waqıtta NATO Ğomum särkätibe Yens Stoltenberg sammittan soñ yasağan belderüendä: "Bügen ittifaqıbızda yaña säxifä açtıq. İminlegebez öçen bik ähämiyätle mäs’älälärgä tuqtalıp uzdıq häm kiñ qırlı qararlar qabul ittek," – dip äytte.
Stoltenberg: "NATO liderları äfğan köçläre belän oyışmaların öyrätep häm finans yärdäm täêmin itep Äfganstannıñ yanında bulu tuğrılıqların rasladı”, - dip belderde.
Stoltenberg: "Rusiyä belän kiyerenkelek yäki añlaşılmawçanlıq telämibez, läkin saqlanu häm totqarlaw köçebezne arttıraçaq adımnarnı yasayaçaqbız”, - dip äytte.
NATO Ğomum särkätibe Awrupada ciröste atom raketaların urnaştıru niyätläreneñ bulmawın, fäqät NATOnıñ Rusiyäneñ üsä barğan qorallanuına cawap biräçägen iskärtep uzdı.
Stoltenberg: "Qıtay tiz räweştä atom-töş qorallanuğa taba bara. Rusiyä belän urtaq xärbi künegülär belän ber rättän xärbi xezmättäşlegen arttıra. Qıtayğa qarşı Awstraliya häm Yaponiya kebek illär belän êşläw mäs’äläsendä berlektäşlär urtaq fikergä kilde”, - dip äytte.
"Ukrainadağı häm Gruziyadağı urtaqlarıbız belän öyrätü êşçänlegebezne däwam itäçäkbez”, - dip äytüçe Stoltenberg: "NATO Ukrainanıñ yanında, yaqlawın däwam itäçäk. NATO Ukraina belän teläktäşlek êçendä. Här il üz yulın yasıy, Ukrainanıñ NATO äğ’zalege mäs’äläsendä Rusiyä ber närsä dä äytä almıy”, - dip belderde.