Kön’yaq Koreya kommunist kürşelärenä vakśina birergä äzer

Kön’yaq Koreya däwlät başlığı Mun Çje İn Tön’yaq Koreyağa koronavirus vakśinası birergä teläwlären citkerde.

“NK News”nıñ xäbärenä qarağanda, Mun Avstriyä ilbaşı Van der Bellen belän urtaq matbuğat cıyılışında: “Tön’yaq Koreya qabul itsä, alarnı Kovid-19 vakśinaları belän täêmin itü öçen êffektiv räweştä xezmättäşlek alıp baraçaqmın,”-dide. Ul koronavirusnıñ barlıq yanawlarınnan kotılunıñ dön’ya külämendä ğadel vakśinalaştıru yasalğanda mömkin buluın belderde.

Avstriya ilbaşı Van der Bellen dä vakśina belän yärdäm mäs’äläsendä Tön’yaq Koreyanıñ poziśiyäsen tögäl genä belmäwen, tik, ägär il idaräse qabul itsä, hiçşiksez yärdäm itäçäklären äytte.

Munnıñ vakśina täq’dimenä Tön’yaq Koreya älegä cawap birmäde.