Poyezd qazasında ülüçelär sanı artqan

Kiçä Paqıstannıň Sind vilayätendä bulğan poyezd hälaqätendä ğomerlären yuğaltqan keşe sanı 62 gä citte.

Cirle matbuğattağı xäbärlärgä qarağanda, êzläw-qotqaru êşçänleklärendä tağın 11 keşeneň mäyeten taptılar häm faciğada ülüçelär sanı 62 buldı.

Poyezd qazasında 100 dän kübräk keşe yaralandı. Qayberläreneň xäle awır.

Timer yul ministrı Möxämmäd Azam Xan Svati kiň qırlı tikşerü ütkäreläçägen häm cawaplı keşelärneň cäzağa tartılaçağın belderde.

Sind vilayäteneň Gotki töbägendä kiçä irtä belän yulçı poyezdı vagonı rel’stan çığıp qarşı yaqtan kilgän başqa poyezdğa bärelgän ide.