Ber şartlawda 60 terrorçı yuqqa çıqtı

Somalida şartlatqıç belän tulı öy kükkä oçtı. Anıñ Äş-Şäbab terrorçı oyışmasınıqı buluı belderelde.

Somali armiyäse radiosınnan xärbi wäqalätlelär söylägänçä, şartlaw Ala-Futow şähärçegendä bomba belgeçläre häm suğışçılar bulğan öydä kilep çığa. Kimendä 60 terrorçınıñ ülüe belderelde. 11 bülmäle öy bomba yasaw kiräk-yaraqları belän tulı bula.

Şartlaw näticäsendä şul tirädä yäşäwçe ber xatın-qız häm ber bala da hälaq bula.

Xärbi wäqalätlelär äytüençä, ülüçelär arasında çit ildän kilgän terrorçılar da bar. Alarnıñ berse  - Äfğanstannan Äxmät Şärif.

Somali armiyäse kiçä belderü yasap, Äş-Şäbab oyışmasına qarata başlanğan operaśiyädä soñğı 3 atnada 100dän artıq oyışma äğ’zasınıñ täêsirsez xälgä kiterelüen xäbär itkän ide.