Makron cawap kötä
Franśiyä ilbaşı, ägär yäşeren räweştä tıñlaw turındağı süzlär döres bulsa, monıñ awrupalı berlektäş häm xezmättäşlär arasında qabul itelmäs buluın belderde
Franśiyä ilbaşı Êmmanuêl’ Makron AQŞnıñ milli qurqınıçsızlıq agentlığınıñ Daniya yärdäme belän bik küp awrupalı yuğarı däräcäle säyäsätçene yäşeren räweştä tıñlawı waqıyğasına bäyle räweştä ike däwlättän mäğ’lümat kötülären belderde.
Makron häm Angela Merkel’ Franśiyä belän Germaniya arasında oyıştırılğan urtaq ministrlar kabinetı utırışınnan soñ videokiñäşmä ısulı belän matbuğat cıyılışı ütkärde.
Franśiyä ilbaşı, ägär yäşeren räweştä tıñlaw turındağı süzlär döres bulsa, monıñ awrupalı berlektäş häm xezmättäşlär arasında qabul itelmäs buluın belderde. Monnan tış, ul awrupalılar häm amerikalılar arasında ışanıç bäyläneşe barlığın, şuña kürä şöbhä bulmasqa tiyeşlegen dä östäde.
Makron älege mäs’äläneñ açıqlanuı kiräklegenä basım yasadı. Franśiyä ilbaşı Daniyadan häm AQŞtan bu xaqta barlıq mäğ’lümatnı urtaqlaşuların häm cawapların kötülären äytte.