Yähüdlär İzrail zolımına qarşı

İzraildä yäşäwçe yaqınça 300 yähüd Tel’-Aviv xökümäteneñ rasaçıl diskriminaśiyäne tuqtatuın häm xalıqara cämäğat’çelekneñ fälästinlelärne yaqlaw öçen xäräkätkä küçüen taläp itte. “İzraille yähüdlär İzrailneñ rasaçı diskriminaśiyäne tuqtatuın teli” isemle imza cıyu kampaniyäse bara. Anda yähüdlärneñ xökümät çaralarına qarşı çığuları häm yähüd östenlege sistemasın qabul itmäwläre citkerelä.  Şulay uq, xalıqara cämäğat’çelekkä dä möräcäğat’ yasala. İzrail höcümnären tuqtatırğa häm Ğazzä, Könbatış Yordan üzänlege, Qudüs, Äl-Cälil, Negev, Lid, Yafa häm Xayfadağı fälästinlelärne yaqlaw öçen aşığıç räweştä xäräkätkä küçärgä çaqıralar.  

Belderüdä äytelgänçä, soñğı atnalarda İzrail xökümäteneñ Könçığış Qudüstäge fälästinlelärneñ öylären tartıp alu häm yähüd cirläşüçelärne ul öylärgä urnaştıru kereşüläre artqan. Bolar barısı 1967nçe yılda başlanğan êşçänlek – qalanı yähüdiläşterü qısalarında alıp barıla. Belderüdä İzrail köçläreneñ Ramazan ayında Äl-Aksa mäçetenä höcümnäre artuı, yähüd cirläşüçelärgä Könbatış Yordan üzänlege, Qudüs häm 1948nçe yılda bilgelängän cirlärdä fälästinlelärgä höcüm itü öçen röxsät birelüe äytelä.

“Bez bu belderüne yasağan arada İzrail Ğazzädä üterülär oyıştıra. Şul uq waqıtta, aradaşçılarnıñ Xamas belän tınıçlıq söyläşüläre çaqıruların kire qaqtı. Ğazzädäge mäxällälärne bombalaw bara. Keşeleksez blokada da däwam itä,”-diyelä 300 İzrail yähüde imzalağan belderüdä.