Baydennıñ İzrailgä qoral satuın Kongressta tänqıyt'lädelär

Gazzädän İzrail höcümnärendä distälärçä balanıñ ülüe turında xäbärlär kilep torğanda, AQŞ ilbaşı Djo Bayden İzrailgä 735 million dollarlıq qoral satuğa röxsät birde. Bu yuğarı tögällek belän idarä itelüçe raketalar häm suğış kiräk-yarağı.

Amerikanıñ “Vaşington Post” gazetı yazğança, Baydennıñ İzrailgä yuğarı tögällekle qoral satuğa röxsät itüe Demokratlar partiyäseneñ Wäkillär palatasındağı täêsirle kanatında zur rizasızlıq tudırdı. Alar Vaşingtonnıñ İzrail xökümäte räise Bin’yamin Netan’yaxuğa şartsız yärdämen tänqıyt’li häm yähüd säyäsätçeneñ bu satunı üz faydası öçen qullanaçağın belderä.