Peru xlorlı ağartuçını koronavirusqa qarşı tikşerä

Peruda kongress sänäğat’tä qullanıluçı xlorlı ağartuçı matdäne êçü yäisä in’yekśiyä yasawnıñ koronavirustan däwalawın tikşerü öçen tawış birde. Täq’dim 49ğa 39 tawış belän qabul itelde.

Kongressnıñ qararın reanimaśiyä belgeçläre cämğıyäte häm qayber säyäsi partiyälär tänqıyt’läde. Şämäxä partiyäneñ kongress äğ’zası häm şul uq waqıtta neyrobiolog Êd Malaga-Trillo anı adäm kölkese dip atadı.  

Dön’yanıñ här poçmağınnan ğalimnär xlorlı çistartuçınıñ mediśina cihazların steril’läşterü, sänäğat’ texnikasın çistartu yäisä ağaç häm tekstil’ äyberlärne ağartu şikelle êşlärdä kiñ qullanıluın, ämma keşe organizmına kergändä êçke qanaw, sulış tarayu häm kisken böyer xastalığı kiterep çığarıp ülem belän tögällänä aluı xaqında kisätä.